紅桑子奇亞籽果醬 Raspberry Chia Seed Jam

吾子果醬系列 011 －紅桑子奇亞籽果醬
高度抗氧I 控制血糖
.
就到聖誕，所以吾子也做了聖誕紅的果醬。
除咗係紅卜卜應節，紅桑子同奇亞籽簡直係聖誕Party的補品，一個高度抗氧，夜訓咗都唔怕皮膚差，另一個高纖又能穩定血糖 ，食多咗肥膩野又可以保持腸胃健康！
其實吾子本身都好鐘意食紅桑子，最鐘意那開胃的酸甜！但紅桑子本身是水感很重的水果，做出來的果醬會很稀身，為咗解決呢合問題，吾子決定再加點新意，用最近成日講的super food 做配料。
.
其實紅桑子本身也算得上是super fruit！紅桑子含有花青素、檞皮素、鞣花酸、黃酮素和維他命Ｃ等，是很好的抗氧化劑，能保護或提高視力，預防老年性眼病，也能改善皮膚血液循環，增強皮膚毛細血管彈性，促進皮膚細胞再生，從而發揮美容養顏的功用。
而super food 之中的奇亞籽口感細滑像凝膠狀，能延緩消化速度，防止血糖過快上升，有效穩定血糖同時可以針對胰島素對腹部脂肪的影響。另外奇亞籽亦含豐富的纖維同Omega-3及其他礦物質，絕對係healthy diet 的第一步！
.
果醬無添加任何防腐及化學品，除了用上當季水果，還特地挑選了天然健康「海藻糖」， 甜度為砂糖的45﹪，減低果醬甜膩感之餘更將水果特有的味道提升出來。